Kudo malompek maajang langkah
Tibo dilurah pandakian
Indak diduo kahandak Allah
Takdirlah sudah jobagian.
Kalau dirasokan iman ka Tuhan
Saibarek paku lakek dipapan
Walaupun bahambuih ribuik jo topan
Indak bagoyang kiri jo kanan
Dikaik daun sapalapah
Tinggakan juo sapaduo
Ingek salalu kapado Allah
Hindari diri dari bahayo
Pulau kumbang jauah di tangah
Pulau babi tabagi duo
Hancur badan dikandung tanah
Nyao pulang kananpunyo
Tampek tingga dicarocok Painan
Urang mamancing sampai sanjo
Kok lupo sangkutan jo Tuhan
Alamaik badan kabinaso.
Tidak ada komentar:
Posting Komentar