Mandaki kabukik langkisau

Mamandang ka lauik nampak pulau

Rasanyo dakek dapek dijangkau

Basamo kawan lalu bagurau

Kalau turun arah kasamak

Sabalun sampai dibatu kereta

Malalui jambatan asmara

Hari libur banyak wisata

Sabalun barangkek pulang

Naiak parahu lalu menyebrang 

Pulau cingkuak disabuik urang

Layangkan pandang hatipun sanang

Hari sore manjalang patang

Di ufuk barat cahayo tarang

Mangkasuik pangunjung kambali pulang

Diateh oto hatinyo sanang

By. Nurhida Chaniago  

Kudo malompek maajang langkah
Tibo dilurah pandakian
Indak diduo kahandak Allah
Takdirlah sudah jobagian.

Kalau dirasokan iman ka Tuhan
Saibarek paku lakek dipapan
Walaupun bahambuih ribuik jo topan
Indak bagoyang kiri jo kanan

Dikaik daun sapalapah
Tinggakan juo sapaduo
Ingek salalu kapado Allah
Hindari diri dari bahayo

Pulau kumbang jauah di tangah
Pulau babi tabagi duo
Hancur badan dikandung tanah
Nyao pulang kananpunyo

Tampek tingga dicarocok Painan
Urang mamancing sampai sanjo
Kok lupo sangkutan jo Tuhan
Alamaik badan kabinaso.